Gvardiola: “PSJ” fantastik jamoa. Biz keskin o‘yinimiz bilan vaziyatni qo‘lga olishga harakat qilamiz. Biroq...
“Manchester Siti” bosh murabbiyi Xosep Gvardiola “PSJ”ga qarshi UEFA chempionlar ligasi guruh bosqichi o‘yini oldidan argentinalik hujumchi Lionel Messi haqida o‘z fikrini bildirdi:
“Messi erishgan yutuqlar haqida gapirish alohida mavzu. Umid qilamanki, ertaga biz bilan bo‘ladigan o‘yinda u maydonga tushadi. O‘tgan mavsum parijliklar bilan to‘qnash kelgan edik. “PSJ” fantastik jamoa. Biz keskin o‘yinimiz bilan vaziyatni qo‘lga olishga harakat qilamiz. Biroq hozir jamoa safida Messi bor. Parijliklar bizning jiddiy raqobatchimiz. Chempionlar ligasining guruh bosqichidagi mazkur uchrashuvni intiqlik bilan kutyapman”.
Ma'lumot o'rnida: bugun, 28 sentabr kuni Parijda Yevropa chempionlar ligasi guruh bosqichida “PSJ” “Manchester Citi" bilan bahs olib boradi.
Avvalroq “PSJ” Messining maoshi haqidagi mish-mishlarni rad etgani va “Manchester Citi” Kilian Mbappeni istalgan narxda sotib olmoqchi ekani haqida xabar berilgandi.
Jamshidbek Amirov
