“Real Madrid”ning sobiq futbolchisi O‘zbekistonga keladi
Ispaniyaning “Real Madrid” klubi sobiq futbolchisi va hozirgi elchisi Alvaro Arbeloa “El Golazo Academy Powered by Real Madrid Foundation” futbol akademiyasining ochilishida ishtirok etish uchun yurtimizga keladi.
Mazkur akademiya “O‘zmetkombinat” AJ homiyligi asosida tashkil etilgan bo‘lib, ochilish marosimi 5 oktyabr kuni Bekobod shahrida bo‘lib o‘tadi.
Eslatib o‘tamiz, ispaniyalik futbolchi “Real Madrid” klubidan tashqari “Liverpul”, “Vesthem” va “Deportiva” klublari safida to‘p surgan. La Ligada “Real Madrid” klubi bilan mamlakat chempioni va kubogi sohibi bo‘lgan. Ispaniya terma jamoasi safida ikki bor Yevropa va bir bor jahon chempionligini qo‘lga kiritgan.
Avvalroq, O‘FA kongressida Abdusalom Azizov va Ravshan Ermatov qayta saylangani va “Surxon” klubida sodir bo‘lgan voqealarga O‘FA bayonot bergani haqida xabar berilgandi.
Jamshidbek Amirov
