Toshkent viloyatida yuk avtomobillar ishtirokida YTH sodir bo‘ldi
Joriy yilning 6-oktabr kuni tungi soat 03:00 larda Toshkent viloyati, O‘rtachirchiq tumanidan o‘tgan 4R2 Toshkent — To‘ytepa avtomobil yo‘lining 20-kilometrida haydovchi, 1990-yilda tug‘ilgan B.A. boshqaruvidagi hamda haydovchi 1986-yilda tug‘ilgan S.B. boshqaruvida bo‘lgan yuk avtomobillari ishtirokida to‘qnashuv sodir bo‘lgan.
Bu xaqda Ichki ishlar vazirligi Yo‘l harakati xavfsizligi bosh boshqarmasi xabar berdi.
Shuningdek, hodisa joyidan harakatlanib o‘tayotgan yengil avtomobillar haydovchilarining eʼtiborsizligi sabab oldinma-ketin to‘qnashuv ham sodir bo‘lgan.
YTH oqibatida tan jarohati olganlar yo‘q.
Mazkur voqea yuzasidan Toshkent viloyati IIBB YHXB tomonidan surishtiruv harakatlari olib borilmoqda.
Avvalroq Qamchiq dovonida 4 ta mashina ishtirokida YTH sodir bo‘lgani hamda Bo‘stonliqda 150 metr balandlikdan “Spark” jarlikka tushib ketgani haqida xabar berilgandi.
Munojat Valiyeva tayyorladi.
