O‘z joniga qasd qilishga moyil va ruhiyatida o‘zgarish bo‘lgan o‘quvchi qizlarning ro‘yxati shakllantiriladi - XTV
Hozirgi kunda xotin-qizlar o‘rtasida oilaviy kelishmovchiliklar, turli xil nizo va janjallar, moddiy yetishmovchiliklar natijasida o‘z joniga qasd qilish holatlari ko‘paymoqda.
Maʼlum qilinishicha, xalq taʼlimi vazirligiga qo‘shimcha vazifalar yuklatilgan bo‘lib, o‘z joniga qasd qilishga moyil qizlar va ruhiyatida o‘zgarish kuzatilgan o‘quvchi qizlar ro‘yxati shakllantiriladi.
Bundan tashqari, ularga tibbiy va psixologik ko‘mak ko‘rsatish bo‘yicha yordam olishlari mumkin.
Bunday xotin-qizlarning voyaga yetmagan farzandlarini eng yaqin hududdagi umumiy o‘rta taʼlim muassasalariga vaqtincha joylashtirish choralari ko‘radi.
Xususan, ayollarni qo‘riqlash xizmati bo‘linmalari tomonidan qo‘riqlanadigan va himoya qilinadigan obyektlar ham ro‘yxatiga kiritildi.
“Mahalla va oila” ITIning asosiy vazifalari kengaytirildi. Oilaviy zo‘ravonlikning kelib chiqish omillari va sabablarini chuqur o‘rganishni amalga oshiradi.
Shuningdek, uning asosiy vazifasi oilalarda sog‘lom muhitni shakllantirish, zo‘ravonlikka uchragan yoki o‘z joniga suiqasd qilgan, o‘z joniga qasd qilishga moyil bo‘lgan xotin-qizlarga ijtimoiy-huquqiy, psixologik va moddiy yordam ko‘rsatish tizimini takomillashtirish bo‘yicha tavsiyalar ishlab chiqildi.
Eslatib o‘tamiz, avvalroq Qashqadaryodagi qamoqxonada 19 yoshli yigit o‘z joniga qasd qilgani hamda fotihati buzilgani uchun o‘z joniga qasd qilgan qizning jasadi hamon qidirilayotgani to‘g‘risida xabar berilgandi.
Cho‘lponoy Ahmedova
