Markus Reshford Ronalduning “Manchester Yunayted”ga qaytishi haqida nima dedi?
“Manchester Yunayted” hujumchisi Markus Reshford Krishtianu Ronalduning qaytishi haqida o‘z fikrini bildirdi:
“Krishtianuning yana Manchester jamoasiga qaytishi meni ham futbolchi, ham “Manchester Yunayted” muxlisi sifatida juda ham quvontirdi. Afsonaga aylangan shaxslar bilan bir jamoada o‘ynash zavq bag‘ishlaydi. “Old Trafford”da Ronaldu bilan birga o‘ynash bizga yana o‘ziga xos kuch-quvvat va tajriba almashish imkoniyatini beradi. Umid qilamanki, bu chempionlikni qo‘lga kiritishimizga turtki bo‘ladi”.
Eslatib o‘tamiz, 27 avgust kuni “Manchester Yunayted” Ronalduning “Yuventus”dan transferini eʼlon qildi. Hujumchi 2003 yildan 2009 yilgacha “Manchester Yunayted” sharafini himoya qilgan. Jamoa tarkibida u premyer-ligada 200 ta o‘yin o‘tkazib, 87 ta gol urgan va 34 ta golli uzatmani amalga oshirgan.
Avvalroq, Markus Reshford Manchester universiteti tarixida eng yosh faxriy doktorga aylangani va Filippe Koutino premyer-ligaga qaytishi mumkinligi haqida xabar berilgandi.
Jamshidbek Amirov
