Serxio Ramosning “PSJ”dagi debyuti yana qoldirildi
Yozda “Real Madrid” klubidan erkin agent sifatida parijliklar safiga qo‘shilgan 35 yoshli ispaniyalik futbolchi 15-oktabr kuni Fransiya chempionati doirasida “Anje”ga qarshi o‘yinda maydonga tushishi kutilgandi.
Biroq ispaniyalik futbolchi “PSJ”ning bugungi mashg‘ulotida ishtirok etmadi. U 19-oktabr kuni Yevropa chempionlar ligasida “RB Leypsig”ga qarshi o‘yinda ham maydonga tusholmasligi mumkin.
Eslatib o‘tamiz, Serxio Ramos “PSJ” safida jarohati tufayli haligacha asosiy o‘yinda qatnasha olgani yo‘q. Parij klubi hozirda Fransiya chempionatida 24 ochko bilan turnir jadvalida birinchi o‘rinda bormoqda.
Avvalroq “Bayer” va “Lion” Azmunni qo‘lga kiritmoqchi ekanligi va “Vilyareal” Serj Ore bilan shartnoma imzolagani haqida xabar berilgandi.
Jamshidbek Amirov
