Uaylder va Fyuri qisqa muddatli tanaffusga chiqdi
O‘tgan hafta oxirida Tayson Fyuri bilan jangda qo‘lini sindirib olgan boks bo‘yicha og‘ir vazn toifasida sobiq jahon chempioni Deontey Uaylder tibbiy sabablarga ko‘ra olti oyga diskvalifikatsiya qilindi.
Uaylder ushbu jangning 11-raundida nokautga uchradi. Jangdan so‘ng u kasalxonaga yotqizildi. O‘z navbatida, Fyuri ham 45 kunga tanaffusga chiqdi.
Tayson Fyuri bugungi kunga qadar 32 ta jang o‘tkazgan bo‘lib, uning 31 tasida g‘alaba qozongan. Shundan 22 tasida nokaut qayd etgan bo‘lsa, bitta jang durang natija bilan yakunlangan. Deontey Uaylder professional karerasida 45 ta jang o‘tkazgan, shuning 41 tasi nokaut, bittasi durang va ikkitasi mag‘lubiyat bilan yakunlangan. Ikki marta ham Fyuriga mag‘lub bo‘lgan.
Fyuri va Uaylder o‘rtasida 2018-yil dekabr oyida bo‘lib o‘tgan birinchi jangda hakamlar durang qayd etgandi. 2020-yil fevral oyida bo‘lib o‘tgan ikkinchi jangda esa britaniyalik bokschi amerikalikni nokautga uchratib, WBC chempionlik kamarini qo‘lga kiritdi.
Avvalroq Fyuri bu gal texnik nokaut bilan qanoatlanmagani va Habib Nurmagomedov qaysi jangini yaxshi ko‘rib eslashi haqida xabar berilgandi.
Jamshidbek Amirov
