Kuman Serxio Agueroning jarohatidan keyingi holati haqida nima dedi?
“Barselona” bosh murabbiyi Ronald Kuman “Valensiya”ga qarshi Ispaniya 9 -turi arafasida hujumchi Serxio Agueroning jismoniy holati haqida gapirdi:
“U hozirda ancha yaxshi bo‘lib qoldi. So‘nggi uchrashuvda 20-25 daqiqa maydonga tushdi va hammasi aʼlo darajada o‘tdi. Ammo Agueroda hozircha o‘yin ritmi va maʼlum bir shakl yo‘q. O‘ylaymanki, u hammasini yo‘lga qo‘ya oladi. Futbolchining mahoratiga shubha yo‘q. Aguero jamoaga ko‘p narsa bera oladi. Eng asosiysi, u yaxshi jismoniy formada va o‘yinlarda jamoaga yordam berishga tayyor”.
Eslatib o‘tamiz, Aguero 2011 yildan 2021 yilgacha “Manchester Citi" klubida to‘p surgan. Hujumchi 5 marta Angliya chempioni bo‘lgan. Serxio jarohati sabab mavsumning dastlabki uchrashuvlarida o‘ynay olmadi.
Avvalroq investitsiya fondlari “Barselona”ga Holandni sotib olishga yordam bermoqchi ekanligi va Laporta nima uchun “Barselona” Lionel Messi bilan shartnoma imzolamagani haqida xabar berilgandi.
Jamshidbek Amirov
