“UzAuto Motors” bosh direktori ilk bor tug‘ilgan kunini O‘zbekistonda nishonladi
Bo Inge Andersson 1955-yil 16-oktyabrda Shvetsiyaning Falkenberg shahrida tug‘ilgan. U joriy yilning avgust oyida “UzAuto Motors” AJ va "UzAuto Motors Powertrain" AJ bosh direktori etib tayinlangan edi. Kuni kecha Andersson o‘z tug'ilgan kunini ilk bor mamlakatimizda nishonlagan.
Maʼlumot uchun, “UzAuto Motors” bosh direktori Shvetsiya Harbiy Akademiyasining hamda Garvard universitetining oliy menejment programmasi bitiruvchisi hisoblanadi. Shuningdek, Stokgolm universitetining biznes boshqaruvi bakalavri ham. Bo Andersson o‘z faoliyatini 1987-yildan Shvetsiyaning “Saab Automobile AB” kompaniyasida boshlagan.
U “Adam Smit” xalqaro avtomobil forumida “2010-yilning eng yaxshi yetakchisi” deb topilgan. 2012-yilda Bo Andersson Yevropaning avtomobilsozlik sohasidagi yetakchi nashriyoti “Automotive Supply Chain” tomonidan “GAZ Group”ni inqirozdan keyingi moliyaviy holatini tiklagani va Rossiyaning yengil tijoriy vositalar bozorida kompaniyaning yetakchiligini taʼminlagani uchun “Eng yaxshi yutuqlar” mukofotiga sazovor bo‘lgan.
Avvalroq Bo Andersson “UzAuto Motors” bosh direktori bo‘lgani hamda monopolist kompaniya isteʼmolchilar huquqlarini buzishda davom etayotgani va bu masalasiga Kusherbayev eʼtibor qaratgani haqida xabar berilgandi.
Olamgir Abdiyev
