Rossiya jamoasi 18 million dollarni qo‘lga kiritdi
Kecha Ruminiya poytaxti Buxarest shahrida “The international 10” turnirining Grand final uchrashuvi bo‘lib o‘tdi.
Mazkur bahsda Xitoyning “PSJ.LGD” jamoasi Rossiyaning “Team Spirit” jamoasiga qarshi arenaga chiqdi. Murosasiz kechgan to‘qnashuvda “Team Spirit” 2:3 hisobida g‘alaba qozondi.
“Team Spirit” ushbu turnirning eng yosh va debyutant jamoasi bo‘lishiga qaramay, musobaqaning barcha top jamoalarini turnirdan chiqarib yubordi. Xususan, “OG”, “Virtus.Pro”, “Invictus Gaming”, “Team Secret” va Grand finalda “PSG.LGD” bilan bahs olib bordi va barchasi ustidan g‘alaba qozondi.
Mazkur turnir chempionligidan so‘ng “Team Spirit” 18 million 208 ming 300 dollar mukofot pulini qo‘lga kiritgan bo‘lsa, ikkinchi o‘rin sohibi “PSG.LGD” esa 5 million 200 ming dollar, uchinchi o‘rinni egallagan jamoa “Team Secret” 3 million 600 ming dollarga ega bo‘ldi.
Turnirda “Team Spirit” aʼzosi Ilya Mulyarchuk (Yatora 18 yosh) “Eng yosh o‘yinchi” nominatsiyasi g‘olibi bo‘ldi. “Eng yaxshi o‘yinchi” mukofotini “Team Spirit”ning yana bir aʼzosi Yaroslov Naydyonov (Miposhka) qo‘lga kiritdi.
Eslatib o‘tamiz, mazkur turnirning mukofot jamg‘armasi 40 million dollar miqdorida belgilangan edi.
Avvalroq sovrin jamg‘armasi 40 million dollar bo‘lgan musobaqa qizg‘in pallaga kirgani va Rossiya vaksinalari bilan emlangan sportchilar ham qishgi olimpiadada ishtirok etishga ruxsat berilgani haqida xabar berilgandi.
Jamshidbek Amiorv, Umar Umrzoqov
