Farg‘onadagi “Savodsizlikni tugatish jamiyati” ishchi-dehqonlar savodini chiqarishga xizmat qilgan
Farg‘onadagi “Savodsizlikni tugatish jamiyati” ishchi-dehqonlar o‘rtasida savodsizlikni tugatishga qaratilgan edi.
Viloyatda savodsizlikni bartaraf etishga eʼtibor 1923 yildan so‘ng oshib borgan. Bu haqda “O‘zArxiv” agentligi xabar bermoqda.
Fotoda “Savodsizlikni tugatish jamiyati”ning 5 yilligi munosabati bilan Farg‘ona viloyat ijroiya komitetining partiya tashkilotlari bilan hamkorlikda o‘tkazgan yig‘ilish bayonnomasi. Unga ko‘ra, kun tartibidagi asosiy masala ishchi-dehqonlar o‘rtasidagi savodsizlikni tugatish to‘g‘risida bo‘lgan.
1923 yilga kelib Farg‘ona viloyatida 28 ta maktab mavjud bo‘lib, shundan 12 tasi qishloqlarda joylashgan. Lekin 1924 yilga kelib, maktablar soni 110 taga, yaʼni 33 foizga oshgan. 1924 yilning 1 oktyabriga kelib 4000 kishi maktablarni to‘liq tugagan, o‘qiyotganlar soni esa 5700 tani tashkil etgan.
Shuningdek, hujjatda yozilishicha, aholi savodsizligini tugatish davomida o‘qituvchilarning o‘zlari ham siyosiy savodxonlik to‘garaklariga qatnab o‘qigan.
Farg‘ona viloyat davlat arxivi saqlovidagi «Farg‘ona oblast mehnatkash deputatlari ijroiya komiteti»ning hujjatlariga ko‘ra, “Savodsizlikni tugatish jamiyati” bo‘limlari Farg‘onada ham ochilgan bo‘lib, unda 3000 kishi faoliyat olib borgan.
Avvalroq fuqaro o‘z saqlovida bo‘lgan tarixiy gazetalar to‘plamini Milliy arxivga topshirgani haqida xabar qilingan edi.
