“Oq bo‘rilar”ning keyingi raqibi maʼlum bo‘ldi
Srechko Katanes shogirdlari FIFA kunlari doirasida 8—16 noyabr kunlari yig‘in o‘tkazadi.
Toshkent va Tbilisida bo‘lib o‘tadigan mazkur yig‘in vaqtida 15-noyabr kuni Gruziyaga qarshi o‘rtoqlik o‘yini tashkil etiladi. Uchrashuv Tbilisi shahridagi “Boris Paichadze” stadionida bo‘lib o‘tadi.
Eslatib o‘tamiz, O‘zbekiston futbol terma jamoasi oktabr oyida Iordaniya davlatida bo‘lib o‘tgan yig‘in doirasida Malayziya va Iordaniyaga qarshi o‘rtoqlik o‘yinida maydonga tushgan edi. Mazkur bahslarda Malayziyani 5:1 hisobida mag‘lub etgan bo‘lsa, Iordaniya termasiga 3:0 hisobida imkoniyatni boy bergandi. Sloveniyalik mutaxasis boshqaruvidagi termamiz undan oldingi o‘rtoqlik uchrashuvida Shvetsiyaga 2:1 hisobida yutqazgan edi.
Avvalroq Eldor Shomurodovning narxi keskin ko‘tarilgani va milliy terma jamoamiz yirik hisobda g‘alaba qozongani haqida xabar berilgandi.
Jamshidbek Amirov
