Menda hali katta sovrinlarni yutish uchun kuch ham, imkoniyat ham yetarli — Krishtianu Ronaldu
“Manchester Yunayted” hujumchisi Krishtianu Ronaldu klubga yangi sovrinlar yutish uchun qaytganini aytdi:
“Men bu yerga dam olish yo nafas rostlash uchun emas, g‘alaba qozonish, yangi sovrinlar yutish uchun kelganman. Buni klub rahbariyatiga ham ochiq-oydin aytganman.
Chunki ushbu jamoada katta imkoniyatlarni ko‘ryapman. Jamoada kelajagi porloq yosh futbolchilar bor. Men ularga yordam berish uchun keldim.
Shu paytgacha qancha sovrin yutganim muhim emas. Menda hali katta sovrinlarni yutish uchun kuch ham, imkoniyat ham yetarli. “Manchester”da faoliyatimdagi yangi sahifalarni ochmoqchiman”.
Eslatib o‘tamiz, Krishtianu Ronaldu Angliya premyer-ligasida 5 ta o‘yinda maydonga tushib, raqib darvozasiga 3 ta to‘p kiritishga muvaffaq bo‘ldi.
Avvalroq Benzemani Madridda olib qolishmoqchiligi va Serxio Ramosning “PSJ”dagi debyuti qoldirilgani haqida xabar berilgandi.
Jamshidbek Amirov
