Koson tumanida aholi yashaydigan hududda chorva mollarining ochiq qabristoni bor...(mi)?
Аfsuski, chiqindi bilan to‘lgan, kundan kunga kattalashib, chorva mollari, it, eshakning ichak-chavoqlari tashlangan ochiq qabristonga aylanib ulgurgan joydan badbo‘y hid atrof-muhitga zarar keltirishi to‘xtamadi.
Maʼlum bo‘lishicha, Qashqadaryo viloyati, Koson tumanida istiqomat qiluvchi fuqarolar o‘z yashash hududiga uncha uzoq bo‘lmagan joyda axlatxona borligi va uning katta yo‘l yoqasigacha chiqib, harakatlanishga halal berilayotgani to‘g‘risida murojaatlar yo‘llangan. Bu haqda "Muxbir Daliyev" “Telegram” kanaliga murojaat kelib tushgan.
Murojaatda fuqaro:
"Qashqadaryo viloyati Koson tumanidan chiqyapmiz, bizning yashash joyimizdan uncha uzoq bo‘lmagan katta yo‘l yoqasida katta ochiq chiqindixona bor, juda ko‘p musor, axlat, qurilish va meditsina chiqindilari bilan katta yo‘l yoqasigacha to‘lib ketgan” - deyiladi.
Murojaatchilar Koson tumanida faoliyat yuritayotgan ekologiya bo‘yicha ishchi xodimlarga muammoni aytishganida, ular bu murojaatni viloyat ekologlari hal qilishini aytgan.
Natijada, bir nechta fuqarolar 2021-yil yanvar - fevral oylarida ekologiya qo‘mitasining viloyat bo‘limiga ariza topshirishgan. Ammo, murojaatchilarga ozroq sabr qilish va yordam berishini aytib, ketkazib yuborilgan.
Afsuski, chiqindi bilan to‘lgan, kundan kunga kattalashib, chorva mollari, it, eshakning ichak-chavoqlari tashlangan ochiq qabristonga aylanib ulgurgan joydan badbo‘y hid atrof-muhitga zarar keltirishi to‘xtamadi.
Murojaatchilar viloyat bo‘limiga qayta so‘rov yuborishganda Respublikadan Ikrom Tog‘ayev degan shaxsga telefon qilishini aytib, raqam berishgan.
Biroq arizachilar:
“Biz Ikrom akani qanday topishni bilmadik. 2 yildan buyon shu musorxona sassig‘idan ziyon ko‘ryapmiz”, - deyishgan.
Ayni shu murojaat bo‘yicha, Qashqadaryo viloyat Ekologiya qo‘mitasi va Davlat Ekologiya qo‘mitasidan rasmiy munosabat kutib qolamiz.
Eslatib o‘tamiz, avvalroq belgilanmagan joyga chiqindi tashlagan fuqaro jarimaga tortilgani va Qozog‘iston aholisi O‘zbekistonda yondirilayotgan axlattepalar tutunidan azob chekayotgani haqida xabar berilgandi.
Cho‘lponoy Ahmedova
