“Atalanta” Miranchukning o‘rniga futbolchi topdi
Gollandiyaning “PSV” klubi hujumchisi Chukvunonso Maduekening Italiya A seriyasiga o‘tishi deyarli hal bo‘lgan. 19 yoshli angliyalik futbolchiga “Atalanta” katta qiziqish bildirmoqda.
Xabarlarga ko‘ra, Maduekeni “Atalanta”ga o‘tkazish bo‘yicha muzokaralar samarali davom etmoqda.
“Bergamo” klubi Maduekeni hujumkor yarim himoyachi Aleksey Miranchukka o‘rindosh sifatida ko‘rmoqda. Rossiyalik futbolchi yaqin orada ijaraga ketishi kerak, “PSV”ning hujumkor futbolchisi esa jamoada o‘z o‘rnini egallaashi shubhasiz.
Eslatib o‘tamiz, Aleksey Miranchuk o‘tgan yilning sentyabr oyida “Atalanta” bilan shartnoma imzolagan edi. Rossiyalik futbolchining “Bergam” klubi bilan shartnomasi 2024 yilning 30 iyuniga qadar tuzilgan. U o‘tgan mavsumda 39 ta o‘yinda maydonga tushib, 7 ta gol urdi va 3 ta golli uzatmani amalga oshirdi. Transfermarket portali futbolchining narxini 13 million yevroga baholamoqda.
Avvalroq Konte “Qizil iblis”larni boshqarmoqchi ekanligi haqida xabar berilgandi.
Jamshidbek Amirov
