Shevchenkoning genuyaliklar safida qachon ish boshlashi maʼlum

 

“Jenoa”ning yangi bosh murabbiyi Andrey Shevchenko ertaga, 9 noyabr kuni jamoa bilan ilk mashg‘ulotni o‘tkazadi.

 

Xabarlarga ko‘ra, ukrainalik mutaxassis Genuyaga bugun yetib kelishi kerak. Uning yordamchisi Mauro Tassotti allaqachon “Jenoa” bazasiga borib, klub infratuzilmasi bilan yaqindan tanishgan. Shuningdek, ertaga “Luidji Ferraris” stadionida Shevchenkoni jamoaning yangi bosh murabbiyi sifatida tanishtirish marosimi bo‘lib o‘tadi.

 

Shevchenko faoliyati davomida faqat Ukraina terma jamoasida bosh murabbiy sifatida ishlagan. U terma jamoa bilan birgalikda shu yilgi Yevropa chempionatida chorak finalga qadar yetib borib, Angliya terma jamoasiga 0:4 hisobida imkoniyatni boy bergandi. Shundan so‘ng ukrainalik murabbiy 2021 yilning 1 avgust kuni lavozimidan ozod etilgandi.

 

Eslatib o‘tamiz, Shevchenko futbolchilik  faoliyatida “Milan” klubi sharafini himoya qilgan.  Hujumchi u yerda raqib darvozasiga 322 ta o‘yin o‘tkazib, 175 ta to‘p kiritgan va 45 ta golga hammualliflik qilgan.

 

Аvvalroq Keylor Navas jarohati tufayli ikkita o‘yinni o‘tkazib yuborishi va “Fiorentina” futbolchisiga bir nechta top klublar qiziqish bildirayotgani haqida xabar berilgandi.

 

Jamshidbek Amirov