"Sevgi uchburchagi" sabab Andijonda qotillik yuz berdi
Baliqchi tumanida erkak 18 yoshli yigitni o‘ldirib, kanalga tashlab ketgani aytilmoqda.
Andijon viloyatining Baliqchi tumanida istiqomat 2003- va 1996 yilda tug‘ilgan yoshlar o‘rtasida janjal kelib chiqqan.
Janjalga sabab esa o‘zbek yoshlarining ichida klassikaga aylangan muhabbat uchburchagi deyilmoqda.
Unashtirilgan qizi 2003-yilda tug‘ilgan yigit bilan oldin ham, unashtiruvdan keyin ham uchrashib yurganini bilgan 1996 yilda tug‘ilgan yigit, o‘sha bolani urib, kanalga tashlab yuborgan.
Bu xabarni Bosh prokurorning matbuot kotibi — axborot siyosati masalalari bo‘yicha maslahatchisi Hayot Shamsutdinov ham munosabat bildirdi.
Uning qayd etishicha, joriy yilning 5 noyabr kuni fuqaro L.Z. yashash xonadonidan nomaʼlum tomonga chiqib ketib, bedarak yo‘qolgan. Mazkur holatda L.Z. qotillik qurboni bo‘lishi mumkinligini inobatga olib, ushbu holatni kelgusida tergov yo‘li bilan tekshirib, aniqlik kiritish maqsadida joriy yilning 7 noyabr kuni Jinoyat kodeksning 97-moddasi bilan jinoyat ishi qo‘zg‘atilgan. Hozirda tuman prokuraturasi tomonidan dastlabki tergov harakatlarini o‘tkazish bilan bir qatorda, bedarak yo‘qolgan L.Z.ni topish yuzasidan barcha tezkor-qidiruv tadbirlari amalga oshirilmoqda. Tergov natijasi yuzasidan qo‘shimcha xabar qilinadi, — deyiladi xabarda.
Avvalroq Qamashida 17 yoshli qiz fo‘shni yigitni 29 marotaba pichoqlagani hamda Qibrayda bir uydan 5 kishining jasadi topilgani haqida xabar berilgandi.
Bahriniso Madumarova
