Жамият
|
18 Сентябр 17:25
1074
Жамият
|
18.09.2021, 17:25
1074

Қамашида даҳшатли қотиллик: 17 ёшли қиз қўшни йигитни 29 маротаба пичоқлаган

Қашқадарё вилояти Қамаши туманида ўтган йилнинг 9 декабрь куни мудҳиш қотиллик юз берган. Унда 23 ёшли йигит Ж.Х. 29 маротаба пичоқланиши оқибатида вафот этган. Бу фуқаронинг ўлимида 17 ёшли қиз гумон қилинмоқда.

 

Қамашида даҳшатли қотиллик: 17 ёшли қиз қўшни йигитни 29 маротаба пичоқлаган

 

Бироқ қотилликда қизнинг алоқаси йўқлиги, асосий айбдор яширилаётгани айтилмоқда. Бу борада марҳум йигитнинг яқинлари эндигина 17 ёшни қаршилаган қиз 29 маротаба пичоқ санчишга қодир эмаслигини, вафот этган йигит эса қизнинг номусига тегишга ҳаракат қилмаганини таъкидламоқда.

 

Қамаши туман прокуратураси терговчиси Ж.Ваҳобов ҳолатни ўрганиб, воқеага қуйидагича изоҳ берган:

 

“Марҳум қўшнисиникига онаси телефонда сўраётганини айтиб кирган. Телефонини қизга бериб, ўзи дарвозани қулфлаб, қизнинг орқасидан бориб икки қўли билан орқа бел қисмидан қучоқлаб, ерга секин ётқизиб олиб, дастлаб эгнидаги тўн ва камзулини, кейин қизнинг нимчасини ечиб номусига тегмоқчи бўлган. Шунда қўрқиб кетган қиз қутулиш мақсадида уйга қочган. Марҳум унинг ортидан келаётганини кўриб, қўлига пичоқни олиб, кучли ҳаяжонланиш ҳолатида Ж.Худойбердиевни кўкрак, қорин ва тананинг турли соҳаларига санчган. Марҳум воқеа жойида вафот этган”.

 

Бироқ Қашқадарё вилоят ИИБ Эксперт-криминалистика бўлинмаси берган экспертиза хулосаси терговчини айблов хулосасининг айрим жойларига шубҳаланишга мажбур этади. Аввало, гумонланувчи қизда шунча жанжалдан кейин ҳеч қандай тан жароҳати аниқланмаган.

 

Жиноят содир бўлган “Қўнғирот” МФЙ раиси Хуршид Ҳасанов ушбу  оилаларнинг ўзаро адовати бўлмаганини маълум қилган.

 

Воқеа ҳақида 9 декабрь куни соат 15-16 лар орасида профилактика инспектори “пичоқлашиш бўлибди”, дея хабар берди. Биргаликда воқеа содир бўлган хонадонга бордик. ИИБ ходимлари ичкарига кирди, мен кирмадим. Бола ўлиб ётган экан. Аввалига ўлганини билмадим. Чунки эшикдан кирган жойдаги қонни кўриб, қўрқиб ташқарига чиқиб кетдим. ИИБ тезкор гуруҳи тасвирга олганда 3-4 жойда қон доғларини кўрдим. Лекин деворлар ёки бошқа жойларда кўрмадим”, — дейди у.

 

Марҳумнинг уйи жиноят содир этилган хонадонга қўшни. Бир-бирига қарама-қарши жойлашган. Шунинг учун ҳам ўша куни келган-кетганларни кўриб туришган. Журналистнинг нега бориб нима бўлганини сўрамагансиз деган саволига, марҳумнинг онаси Майсара Ғойибназарова қўшниларининг маҳалладагилар билан муносабатлари яхши эмаслиги, ўзлари бироз илиқ муносабатда бўлгани, воқеа содир бўлганида яқинлари келганлиги учун аралашмаганини айтган.

 

Ҳодисани ўрганган журналист жиноят жойига борганида гумонланувчи ва унинг оила аъзолари уйнинг деразалари ҳамда дўконнинг эшигини суваб, кўчиб кетганини аниқлаган. Шунинг учун улардан қўшимча маълумот олиш имкони бўлмаган.

 

Марҳумнинг онаси қотиллик бўлган кунни шундай эслайди:

 

“2020 йил 9 декабрь куни туш пайти бирга овқатландик. Соат кундузги 2 ларда кўчага чиқиб кетди. 5 дан ўтиб акам Россиядан эшитиб, менга хабар берди. Қиз бир марта қорнига пичоқ тиқиб олибди, деб айтди. Бирдан кўчага чиқдим. Чиқсам, тумонат одам йиғилган, қўшнимизни дарвозаси ёпиқ экан. Дўкони орқали уйига кирдим. Кирсам Лобар, опаси Шоира ва қизи Р. уйда ўтирган экан. Тинчликми, деб сўрадим. Ёнида иккита милиция турибди. “Ўғлингизга кислород етмай қолади”, деб мени турткилаб, чиқариб қўйди. Яна бир сўрасам “осма қўйяпмиз”, деди. Соат 7 дан ўтгунига қадар эшикни ёнида кутиб ўтирдим. Турмуш ўртоғим тўшакда ётиб қолган. 7 дан ўтиб мени чақиртирган экан. Уйга кириб чиққунимча тез ёрдам машинасида олиб кетиб қолишибди. Ўша пайтда бир милиция келиб, ўғлимни жони аввалдан узилганини, тайёргарлик кўришимизни айтди. Ҳаммамиз ҳанг-манг бўлиб қолдик”.  

 

Аниқланишича, мазкур жиноят иши бўйича 2021 йил 7 сентябрь куни жиноий ишлар бўйича Қамаши туман судида Ф.Қамбарова раислигида суд ўтказилган. Суд жиноятни содир этганини тан олган 2003 йилда туғилган қиз Р.Т.ни Жиноят кодексининг 98-моддаси билан айбдор деб топган. Суд ишида тергов хулосаси деярли ўзгартиришсиз қайд этилган.

 

“Ушбу жиноий иш бўйича жабрланувчи томоннинг адвокатиман. Ушбу ишда ўз тасдиқларини топмаган ҳолатлар мавжуд. Шунинг учун 2-инстанция судига ариза киритмоқчимиз”, — дейди адвокат Мўътабар Холисова.

 

Аслида, 23 йил фарзандини оқ ювиб, оқ тараган ота-она кутилмаганда дилбандидан айрилишининг ўз оғир, ачинарли. Айниқса, ўта ваҳший қотиллик қурбони бўлгани уларнинг юрак-баҳрини тилка-пора қилгани табиий. Бироқ эндигина 17 баҳорни қаршилаган қизининг бундай қотилликка қўл уриши ақлга сиғмайди. Биргина шу сабаб унинг келажаги пароканда бўлиши мумкин.

 

Воқеа қандай бўлгани, ким айбдорлиги бизга қоронғу. Биз фақатгина адолат қарор топиши тарафдоримиз, холос.

 

Эслатиб ўтамиз, аввалроқ Андижонда ака ўгай укаларини чопиб ташлагани ҳамда Қибрайдаги бир уйдан беш кишининг жасади топилгани ҳақида хабар берилганди.

 

 

 

Баҳринисо Мадумарова