Toshkentda vaksinalar saqlanadigan ombor foydalanishga topshirildi
Ushbu ombor UNICEF ko‘magida qurib bitkazildi.
Mazkur ombor mamlakatimizda milliy emlash dasturi uchun logistika markaziga aylanib, vaksinalarni yetkazib berish va ularni boshqarish bo‘yicha imkoniyatlarni yana-da kengaytirishi hamda yurtimizda ishonchli emlash tizimini yaratishga xizmat qiladi.
Vaksinalar ombori katta miqdordagi turli vaksinalarni saqlashga mo‘ljallangan bo‘lib, deyarli 1000 m2dan iborat uchta sovuqlik kamerasi (2-8 ° C), ultrasovuq sovutgichlar (3000 l hajmli) va muzlatgich xonalar (40 m3) bilan jihozlangan. Shu bilan birga, inshoot immunizatsiya uchun zarur materiallar saqlanadigan 1000 m2 quruq omborga ham ega.
Yuklarni boshqarish uchun elektr yuk ko‘targichlar, dok naveslari, tekislash platformalari va ko‘tarish mexanizmlari mavjud. Ular ikkita elektr tarmog‘iga ulangan bo‘lib, uzluksiz elektr taʼminoti uchun kuchli zaxira dizel generatoriga ega.
Avvalroq, Toshkent traktor zavodi dahasigacha yerosti yo‘li qurilishi hamda Surxondaryo va Xorazmda elektr stansiyalari qurilishi haqida xabar berilgandi.
Munojat Valiyeva
