Endi emlanmagan “Bavariya” futbolchilari maosh olmaydi
Rahbariyatning bunday qarorga kelishining sababi bor.
“Bavariya” rahbariyati klubning koronavirusga qarshi emlanmagan futbolchilariga maosh to‘lamaydi. Bu haqda “Bild” xabar berdi.
To‘rt nafar emlanmagan futbolchi karantinga ketganidan so‘ng rahbariyat bu qarorni qabul qilgan.
Eslatib o‘tamiz, avvalroq Myunxenning to‘rt nafar futbolchisi koronavirusga chalingani tufayli karantinga olingandi.
Hujumchi Erik-Maksim Shupo-Moting, shuningdek, yarim himoyachilar Mikael Kuizans, Serj Gnabri va Jamal Mutsiala endi izolyatsiyaga o‘tishga majbur. Chunki ular koronavirusga qarshi emlanmagan. Vaziyat jiddiy bo‘lishiga qaramay, ular hanuzgacha vaksina olmagan. Yozua Kimmix ham izolyatsiyada. Bu vaziyat tufayli u taxminan 800 ming yevro yo‘qotishi mumkin.
Avvalroq Dortmundning “Borussiya” klubi yarim himoyachisi Aksel Vitzel yanvar oyida “Nyukasl” klubiga o‘tishi mumkinligi va Holandning holati haqida xabar berilgandi.
Jamshidbek Amirov
