Jizzax shahrida belbog‘li kurash bo‘yicha jahon chempionati yakunlandi
Mukofot jamg‘armasi 56 000 AQSH dollarini tashkil etgan ushbu musobaqada dunyoning 30 ga yaqin davlatidan 300 nafar sportchi g‘oliblik uchun bahs olib bordi.
24-26 noyabr kunlari Jizzax shahridagi “So‘g‘diyona” sport majmuasida belbog‘li kurash bo‘yicha 2001-2003 yillarda tug‘ilgan yoshlar o‘rtasida ilk marotaba O‘zbekiston Respublikasi Prezidenti sovrini uchun jahon chempionati bellashuvlari o‘tkazildi.
Chempionatning dastlabki kungi natijalariga ko‘ra, umumjamoa hisobida 1-o‘rinni egallagan terma jamoamiz O‘zbekiston Respublikasi Prezidenti sovrini – “Cobalt” avtomashinasi bilan taqdirlandi.
Shuningdek kuni kecha sportchilar belbog‘li kurashning “Erkin” yo‘nalishida ham o‘zaro bahs olib borishdi. Ushbu yo‘nalishda umumjamoa hisobida eng yaxshi natijani qo‘shni qozog‘istonlik sportchilar qayd etdi. Natijada tashkilotchilar tomonidan O‘zbekiston Respublikasi Prezidenti sovrini – “Spark” avtomashinasi sohibiga aylanishdi.
Quyida belbog‘li kurash bo‘yicha 2001-2003 yillarda tug‘ilgan yoshlar o‘rtasida o‘tkazilgan jahon chempionatining “Erkin” yo‘nalishi g‘oliblari bilan tanishingiz mumkin:
-57 kg vazn toifasi:
Komronbek Ortiqov (O‘zbekiston),
-62 kg:
Nursultan Nurseitov (Qozog‘iston),
-68 kg:
Sayan Kurmangaliyev (Qozog‘iston),
-75 kg:
Ilnaz Ramazanov (Rossiya Federatsiyasi),
-82 kg:
Zamir Chomayev (Rossiya Federatsiyasi),
-90 kg:
Aybergen Aldabergen (Qozog‘iston),
-100 kg:
Janabek Zangar (Qozog‘iston),
+100 kg:
Zurab Makatsarli (Rossiya Federatsiyasi),
Ayollar o‘rtasida:
-48 kg:
Muxlisaxon Sotvoldiyeva (O‘zbekiston),
-52 kg:
Yulduz Abdullayeva (O‘zbekiston),
-58 kg:
Olga Shugayeva (Rossiya Federatsiyasi),
-66 kg:
Asiljan Orunbasarova (Qozog‘iston),
-76 kg:
Zeboxon Nosirova (O‘zbekiston),
+76 kg:
Ayjan Anarbekova (Qozog‘iston).
Avvalroq belbog’li kurashchilarimiz MDH o’yinlarida 11 ta medal bilan umumjamoa hisobida birinchi o’rinni egallashgani haqida xabar berilgandi.
Jamshidbek Amirov
