Dzyudochilarimiz xalqaro turnirni ikkita medal bilan yakunlashdi
25-27 noyabr kunlari BAAning Abu-Dabi shahrida dzyudo bo‘yicha “Katta dubulg‘a” turniri bo‘lib o‘tdi.
Musobaqada Ilias Iliads boshchiligidagi O‘zbekiston terma jamoasi 1 ta kumush va 1 ta bronza medali bilan umumjamoa hisobida 13-o‘rinni egalladi. Rossiya terma jamoasi 2 ta oltin, 4 ta kumush, 2 ta bronza medali bilan birinchi o‘rinni qo‘lga kiritdi. Kuchli uchlikka Buyuk Britaniya va Mo‘g‘uliston terma jamoalari yakun yasab berdi.
Eslatib o‘tamiz, turnirda Hikmatulloh To‘rayev (-73 kg) terma jamoаmizga musobaqaning kumush, Tokio Olimpiadasining bronza medali sovrindori Davlat Bobonov (-90 kg) bronza medalini taqdim etdi.
Maʼlumot o‘rnida: 2019 yilgi Abu-Dabi “Katta Dubulg‘a” turnirida Hikmatulloh To‘rayev va Diyorbek O‘rozboyev bronza medallarini qo‘lga kiritishgan edi.
Avvalroq Davlat Bobonov prezident sovg‘a qilgan uyni borib ko‘rgani va Diyorbek O‘rozboyevda doping aniqlangani haqida xabar berilgandi.
Jamshidbek Amirov
