“Аjdarlar” kubok sohibiga aylandi
Bugun Samarqand shahridagi “Dinamo” markaziy stadionida O‘zbekiston Kubogi final uchrashuvi bo‘lib o‘tdi.
Unda Qarshining “Nasaf” hamda Toshkentning “Paxtakor” jamoalari to‘qnash keldi. Natijada mazkur bahsda “ajdarlar” 2:1 hisobida raqibdan ustun keldi.
Uchrashuvning 28-daqiqasida Odilbek Hamrobekov “Paxtakor”ni hisobda oldinga olib chiqqan bo‘lsa, shundan biroz vaqt o‘tganidan so‘ng “Nasaf” aʼzosi Baxrom Abduraximov hisobni tenglashtirdi. Ikkinchi taymning 75-daqiqasida G‘olib G‘aybullayev qarshiliklarni hisobda oldinga olib chiqdi.
Shu tariqa Ro‘ziqul Berdiyev shogirdlari 2021 yilgi O‘zbekiston kubogi sohibiga aylandi va Osiyo chempionlar ligasi saralashida ishtirok etish imkoniyatini qo‘lga kiritdi.
Maʼlumot o‘rnida: bahsning 34-daqiqasida “Nasaf” futbolchisi Oybek Bozorov qizil kartochka olib, maydonni tark etgandi.
Avvalroq “Nasaf” OFK Kubogida qancha pul ishlashi maʼlum bo‘lgani va OFK Kubogining navbatdagi bosqichi uchun qurʼa tashlangani haqida xabar berilgandi.
Jamshidbek Amirov
