Toshkent shahar IIBB boshlig‘i 3ta tumandagi “hamkasblarini” ishdan bo‘shatdi
Sergeli tumani IIO FMB boshlig‘i ham intizomiy jazo qo‘llanildi.
Toshkent shahar IIBB boshlig‘i general-mayor Aziz Anvarovich Tashpulatov boshchiligida joriy yil 11 oylik ish natijalari bo‘yicha tanqidiy ruhda yig‘ilish bo‘ldi.
Bevosita xodimlarning tashabbusi bilan 5 644 ta jinoyatlar, ulardan 1 375 tasi giyohvandlik va psixotrop vositalarining noqonuniy savdosi bilan bog‘liq jinoyatlar aniqlangan.
Unga ko‘ra, 122 kg. 756 gramm. giyohvandlik va 108 ming 550 dona kuchli taʼsir qiluvchi dori vositalarining tarqalib ketishining oldi olingan.
Shundan 12 544 ta jinoyatlar fosh etildi, ulardan 171 tasi o‘tgan yillarda sodir etilgan jinoyatlar, 822 nafar qidiruvdagi jinoyatchilar ushlanib, jazo tayinlangan.
Mazkur yig‘ilish davomida jinoyatchilikka qarshi kurashish va huquqbuzarliklarni barvaqt oldini olishda qator kamchiliklarga yo‘l qo‘ygani uchun Chilonzor tumani IIO FMB boshlig‘ining birinchi o‘rinbosari, huquqbuzarliklar profilaktikasi bo‘yicha o‘rinbosari lavozimidan ozod etildi.
Bundan tashqari, Yangihayot va Shayxontohur tumanlari IIO FMB boshliqlarining huquqbuzarliklar profilaktikasi bo‘yicha o‘rinbosarlari ham egallab turgan lavozimidan bo‘shatildi.
Sergeli tumani IIO FMB boshlig‘ining birinchi o‘rinbosari, huquqbuzarliklar profilaktikasi bo‘yicha hamda jamoat tartibini saqlash bo‘yicha o‘rinbosarlari intizomiy jazoga tortildi.
Tumanda ijobiy ko‘rsatgichlarga erishgan va namunaviy xizmat olib borayotgan Mirzo Ulug‘bek va Yashnobod tumanlari IIO FMB boshliqlarining ish faoliyatiga yuqori baho berildi.
Eslatib o‘tamiz, avvalroq Rustam Inoyatov prezident maslahatchisi lavozimidan ozod etilgani hamda energetika vaziri o‘rinbosari ishdan olingani haqida xabar berilgandi.
Cho‘lponoy Ahmedova
