“Aristokratlar” Ryudiger bilan kelisholmayapti
“Chelsi” himoyachisi Antonio Ryudiger jamoani tark etishi mumkin.
“Fabritsio Romano”ning so‘zlariga ko‘ra, futbolchi London klubi bilan shartnomani uzaytirish bo‘yicha bir necha oydan beri muzokara olib bormoqda. Biroq tomonlar hozirgacha kelishuvga erisha olishmayapti. Futbolchining xizmatlariga “Real Madrid” qiziqmoqda. Madrid klubi uni erkin agent sifatida jamoaga taklif qilmoqchi. “Bavariya” ham Ryudigerni o‘z safiga qo‘shib olmoqchi edi. Ammo Myunxen klubi futbolchiga uning taklifidagi maoshni bermoqchi emas. Ryudiger haftasiga 200 ming funt maosh olmoqchi ekanligini maʼlum qilgan.
Eslatib o‘tamiz, premyer-liganing joriy mavsumida 28 yoshli futbolchi 15 ta o‘yin o‘tkazib, 2 ta golga mualliflik qildi.
Avvalroq, Tibo Kurtua “Real Madrid” bilan 5 yillik yangi shartnoma imzolagani va Tomas Tuxel “Barselona”ning takliflariga qarshi chiqqani haqida xabar berilgandi.
Jamshidbek Amirov
