“Damas” va “Cobalt” raqobati uzoqqa cho‘zilmadi: YTHda “Damas” yonib ketdi
Oqibatda, 1 kishi vafot etdi.
Bu haqda YHXBB matbuot xizmati xabar berdi.
Joriy yilning 14 dekabr kuni soat 20:00 larda, Farg‘ona viloyati Marg‘ilon shahar Ahmad Yassaviy ko‘chasida joylashgan “Yog‘du” qahvaxonasi ro‘parasida haydovchi, 1991 yilda tug‘ilgan R.X. “Damas” rusumli avtomobilni boshqarayotib, chapga burilish vaqtida ro‘paradan kelayotgan haydovchi, 2000 yilda tug‘ilgan A.A. boshqaruvida bo‘lgan “Cobalt” rusumli avtomobilni o‘tkazib yubormaganligi oqibatida to‘qnashuv yuz bergan.
Zarb natijasida “Damas” avtomobilida yong‘in yuzaga kelgan.
Yong‘in o‘t o‘chiruvchilar tomonidan bartaraf etilgan. Damas” rusumli avtomobil haydovchisi 30 yoshli R.X. tan jarohatlari olib, voqea joyida vafot etgan.
Hozirda holat yuzasidan Marg‘ilon shahar iib TB tomonidan dastlabki tergovoldi surishtiruv olib borilmoqda.
Eslatib o‘tamiz, avvalroq Denovda ikkita “Nexia” to‘qnashib ketgani hamda Andijon tibbiyot instituti magistri shifokorlar bayrami kuni avtohalokatda vafot etgani haqida xabar berilgandi.
Cho‘lponoy Ahmedova
