Bu jang butun dunyo UFC ishqibozlarini qiziqtirishi turgan gap – Charlz Oliveyra
Charlz Oliveyra Konor Makgregor bilan jang o‘tkazmoqchi ekanligini maʼlum qildi.
Yengil vazn toifasida UFC chempioni Charlz Oliveyra 2022 yil 7 may kuni Rio-de-Janeyroda bo‘lib o‘tadigan UFC 274 turnirida ikki vazn toifasida sobiq chempion Konor Makgregorga qarshi jang o‘tkazmoqchi.
“Ushbu muddat bunday jang uchun eng yaxshi vaqt deb o‘ylayman. Konor shaxsan meni duelga chorlab, ikkinchi marta Irlandiya va Braziliya o‘rtasidagi qarama-qarshilikni tashkil qilishni taklif qildi. Bu nafaqat uni balki butun dunyo UFC ishqibozlarini ham qiziqtirishi turgan gap. Men mazkur jangga tayyorman”.
Eslatib o‘tamiz, hozirda Makgregorning musobaqada ishtirok etishi so‘roq ostida qolmoqda. Chunki Konor shu yilning 10 iyuldan 11 iyulga o‘tar kechasi Dastin Poryega qarshi kechgan UFC 264 turnirida oyog‘idan jarohat olgan edi.
Avvalroq Konor Makgregorning do‘sti AQSHda hibsga olingani va Dastin Porye tanasidagi tatuirovkalarga izoh bergani haqida xabar berilgandi.
Jamshidbek Amirov
