Yetakchi davlat oliy taʼlim muassasalariga moliyaviy mustaqillik berilishi mumkin
Мазкур қарор 2022- йил 1-январдан 35 та олий таълим муассасаларига тегишли.
Prezidentning tegishli qaroriga ko‘ra, mazkur OTMlarga, jumladan, quyidagi vakolatlar bo‘yicha moliyaviy mustaqillik berildi:
– taʼlim xizmatlari bozoridagi talabni inobatga olgan holda to‘lov-kontrakt asosida o‘qitish qiymatini belgilash;
– talabalarning to‘lov-kontrakt mablag‘larini to‘lash muddatlarini belgilash va uzaytirish;
– o‘z mablag‘lari hisobidan talabalar uchun stipendiya va grantlar ajratish.
Qaror bilan moliyaviy mustaqillik berilayotgan davlat oliy taʼlim muassasalarida tashkil etiladigan kuzatuv kengashlarining 10 ta vakolati belgilab berildi.
Bundan tashqari, moliyaviy mustaqillik berilgan oliy taʼlim muassasalariga qator imtiyozlar berildi.
Tibbiyot oliy taʼlim muassasalariga ularning klinikalarida moddiy-texnik bazani mustahkamlash, shuningdek, kapital va joriy taʼmirlash ishlarini amalga oshirish uchun o‘zlarining byudjetidan tashqari zarur mablag‘lar sarflashga ruxsat berildi.
Eslatib o‘tamiz, avvalroq Oliy harbiylashtirilgan taʼlim muassasalari to‘g‘risidagi nizom tasdiqlangani hamda Eng yaxshi biznes universitetlar aniqlangani haqida xabar berilgandi.
Cho‘lponoy Ahmedova
