Ikki jamoa o‘rtasida katta farq borligi yaqqol bilinib qoldi – Antonio Konte
“Tottenhem” klubi bosh murabbiyi Antonio Konte Angliya liga kubogidagi mag‘lubiyat haqida fikr bildirdi.
“Kecha biz uchun qiyin o‘yin bo‘ldi. “Chelsi” bu uchrashuvda yaxshiroq o‘yin namoyish etdi. Birinchi bo‘limning boshidan to‘p nazoratini ushlashga harakat qildik. Biroq Chempionlar ligasi g‘oliblariga qarshi bahs nisbatan qiyin kechdi. Ikki jamoa o‘rtasida katta farq borligi yaqqol bilinib qoldi” - deya BBC Kontening so‘zlaridan iqtibos keltirdi.
Eslatib o‘tamiz, kechagi uchrashuv Londondagi “Stemford Brij” stadionida bo‘lib o‘tdi va mezbonlarning 2:0 hisobidagi g‘alabasi bilan yakunlandi.
Maʼlumot uchun “Chelsi” va “Tottenhem” o‘rtasidagi Liga kubogi yarim finalining ikkinchi o‘yini 12-yanvar kuni Londondagi “Tottenhem Hotspur” stadionida bo‘lib o‘tadi. Mazkur turnirning amaldagi g‘olibi “Manchester Siti” hisoblanadi.
Avvalroq, “Vilyareal” Serj Ore bilan shartnoma imzolagani va “Tottenhem” “Yuventus” futbolchilarini nishonga olgani haqida xabar berilgandi.
Jamshidbek Amirov
