Osiyoda futbol mavsumi boshlanmoqda
OFK 2022-yilgi futbol mavsumida boʻlib oʻtadigan Osiyo Chempionlar ligasining guruh bosqichiga qurʼa tashlash marosimining vaqtlarini maʼlum qildi.
Unga koʻra, marosim 2022-yilning 17-yanvar kuni Toshkent vaqti bilan soat 11:00 da Kuala Lumpurdagi OFK qarorgohida onlayn tarzda oʻtkaziladi. Shuningdek, ushbu sanada OFK kubogining guruh bosqichiga ham qurʼa tashlanadi. Mazkur marosim 13:00 da boshlanadi.
Maʼlumot oʻrnida, Oʻzbekiston klublari joriy yilda 1+1 kvotasiga ega. “Paxtakor” klubi OCHL guruh bosqichida toʻgʻridan toʻgʻri, “Nasaf” esa oʻtish oʻyinida ishtirok etadi. Qarshiliklar 15-mart kuni oʻtkaziladigan ushbu oʻyinda “Baniyas” (BAA)ni magʻlub etsa, OCHL guruh bosqichiga yoʻl oladi. “Soʻgʻdiyona” klubi esa OFK kubogida ishtirok etadi. Agar “Nasaf” jamoasi oʻtish oʻyinida magʻlub boʻlsa, xalqaro musobaqalardagi ishtirokini OFK kubogining guruh bosqichida davom ettiradi.
Avvalroq, “Nasaf”ning OChL pley-offidagi raqibi maʻlum boʻlgani haqida xabar berilgandi.
Jamshidbek Amirov
