"1hls" platformasi orqali pul to‘lash tizimi to‘xtatiladi
Haftda davomida eng ko'p yurganlar uchun endi 100 mln so'm to'lanishi mumkin.
Soha mutaxassislari, ekspertlar, jurnalist va blogerlar, jamoatchilik vakillari tomonidan berilgan takliflarga ko‘ra, sog‘lom turmush tarzini targ‘ib qilish va qo‘llab-quvvatlash maqsadida www.1hls.uz platformasida quyidagi o‘zgarishlar amalga oshiriladi:
1) O‘zbekiston hududida bir sutka davomida o‘n ming va undan ortiq qadam yurgan 18 va undan yuqori yoshdagi aholini yanada ko‘proq rag‘batlantirish yo‘lga qo‘yiladi. Bunda har hafta yakunlari bo‘yicha ishtirokchilar o‘rtasida quyidagi sovrinlar o‘ynaladi:
1 kishiga 100 million so‘m miqdorida pul mukofoti;
1 000 kishiga velosiped.
2) Ushbu sovrinlar o‘yini har hafta yakunlari bo‘yicha “Sport” telekanalida jonli efirda tasodifiy tanlab olish mexanizmi orqali o‘tkaziladi;
3) Yuqoridagi tartib ishga tushirilishi munosabati bilan 2022-yil 16-yanvardan boshlab, www.1hls.uz platformasi orqali bir sutka davomida o‘n ming va undan ortiq qadam yurgan fuqarolarga 3 ming so‘m pul mablag‘i berish tizimi to‘xtatiladi.
