“Barselona” g‘alaba uchun munosib harakat qildi – Unai Emeri
“Vilyareal” bosh murabbiyi Unai Emeri “Barselona” haqida gapirdi.
“Barselona” transfer oynasida muhim xaridlarni amalga oshirdi. “Atletiko” ustidan qozonilgan g‘alaba bilan jamoa yana bir bor oldinga qadam tashladi. “Barselona” kuni kecha g‘alaba uchun munosib harakat qildi”, — dedi Emeri.
Eslatib o‘tamiz, 6-fevral kuni “Kamp Nou” stadionida Ispaniya chempionati 23-turi doirasida “Barselona” klubi “Atletiko Madrid”ni qabul qildi. Uchrashuvda mezbonlar 4:2 hisobida g‘alaba qozondi.
Maʼlumot o‘rnida: “Barselona” 22 o‘yinda 38 ochko jamg‘argan holda, Ispaniya La Ligasi turnir jadvalida 4-o‘rinda bormoqda. “Atletiko Madrid” esa 36 ochko bilan turnir jadvalida 5-o‘rinni egallab turibdi. “Real Madrid” 22-turdan keyin 50 ochko bilan turnir jadvalida peshqadamlik qilmoqda.
Avvalroq, Jerar Pike faoliyatini qayerda yakunlashini maʼlum qilgani haqida xabar berilgandi.
