“Chelsi” xo‘jayini moliyaviy yo‘qotishga uchradi
Roman Abramovich bir kunda taxminan 778 million yevro daromadidan ayrildi.
“Chelsi” xo‘jayini, rossiyalik milliarder Roman Abramovich Ukrainadagi vaziyat tufayli bir kunda taxminan 778 million yevro yo‘qotdi.
Bu haqda “The Sun” nashri xabar berdi.
Manbaga ko‘ra, London fond birjasida “Evraz” po‘lat guruhi aksiyalari 29 foizga arzonlashgan. Investorlar Rossiya kompaniyalariga qarshi mumkin bo‘lgan sanksiyalardan qo‘rqishadi.
Abramovich 2003 yildan beri “Chelsi”ga egalik qiladi. Bu vaqt ichida “ko‘klar” Angliyaning to‘rt karra chempioni bo‘lishdi, ikki marta Chempionlar Ligasi va Yevropa Ligasida g‘alaba qozonishdi, UEFA Superkubogini, besh marta Angliya kubogini qo‘lga kiritishdi. Ikki marta Angliya Superkubogi sohibiga aylandi.
Avvalroq, Abramovich Azarni Londonga qaytarmoqchi ekanligi va “Barselona” transferlar uchun mablag‘ izlayotgani haqida xabar berilgandi.
Jamshidbek Amirov
