Ronaldu AQSHga ketishi mumkin
Futbolchining 13 yil ichidagi eng uzun golsiz seriyasi davom etmoqda.
Krishtianu Ronaldu “Manchester Yunayted”da natija ko‘rsatishni to‘xtatdi.
Yorqin va sermahsul faoliyatidan so‘ng portugaliyalik hujumchi so‘nggi 13 yildagi eng uzun golsiz seriyasini boshdan kechirmoqda va uning asosiy tarkibda tushish ehtimoli tobora kamayib bormoqda.
Agar “qizil iblislar” mavsum yakunida Chempionlar ligasiga yo‘llanmani qo‘lga kirita olmasa, yulduz hujumchining million dollarlik shartnomasini qo‘llab-quvvatlay olmaydi.
Shu tariqa, Ronaldu yozda jamoa safini tark etishi mumkin. Ko‘plab klublar esa futbolchining transferi bo‘yicha agentlari bilan bog‘lana boshlashdi.
Qo‘shma Shtatlar allaqachon hujumchiga qiziqish bildirgan. Todofichajes xabariga ko‘ra, “Inter Mayami” va “Los-Anjeles Gelaksi” 37 yoshli futbolchini qo‘lga kiritishga umid qilmoqda.Avvalroq Ronalduning o‘zi ham Amerikaga ketish niyati yo‘q emasligi haqida bildirgan edi.
Eslatib o‘tamiz, avvalroq Fransiyaning “PSJ” klubi portugaliyalik himoyachi Nuno Mendeshni Portugaliyaning “Sporting” klubidan o‘z safiga qo‘shib olmoqchi ekani xabar qilingandi.
