Мендешга харидор чиқди
“ПСЖ” “Спортинг”дан 40 миллион евро эвазига ҳимоячи сотиб олмоқчи.
Франциянинг “ПСЖ” клуби португалиялик ҳимоячи Нуно Мендешни Португалиянинг “Спортинг” клубидан ўз сафига қўшиб олмоқчи. Бу ҳақда журналист Фабрицио Романо ўзининг twitter саҳифасида маълум қилди. Айни пайтда футболчи “ПСЖ” сафида ижара асосида ўйнамоқда.
Манбага кўра, 19 ёшли футболчининг ижараси Франция клубига 7 миллион еврога тушган. Португалияликнинг “ПСЖ”га ўтиши учун клуб 40 миллион евро тўлаши керак.
Қайд этилишича, парижликлар аллақачон Мендеш билан шартнома борасида келишиб олишган. Бу беш йил давом этади. Шартнома мавсум охирида имзоланади.
Эслатиб ўтамиз, Нуно Мендеш “Спортинг” тарбияланувчиси ҳисобланади. Трансфермаркт интернет портали ҳимоячининг нархини 40 миллион еврога баҳолаган.
Аввалроқ, Кейлор Навас жараҳоти сабаб иккита ўйинни ўтказиб юбориши ва инглизлар жамоаси Мбаппени текинга сотиб олмоқчи эканлиги ҳақида хабар берилганди.
Жамшидбек Амиров
