Eskalotordan yiqilib o‘lgan bobo va tirik qolgan nabira bilan bog‘liq holat tergov qilinmoqda
Navoiy viloyat IIB holat yuzasidan rasmiy maʼlumot berdi.
Ijtimoiy tarmoqlarda Navoiy shahridagi “Yangi hayot” savdo majmuasida bobo va nabira eskalatordan qulab tushgani to‘g‘risidagi videolavhalar tarqaldi.
Holat yuzasidan Navoiy viloyati IIB quyidagilarni maʼlum qildi.
Hodisa kecha, 18 fevral kuni soat 20:30larda sodir bo‘lgan. Karmana tumanida yashovchi, 1969 yilda tug‘ilgan Sh.T. 3 yoshli nabirasi A.S. bilan Navoiy shahridagi “Yangi hayot” savdo majmuasiga borgan.
Ular savdo majmuasining 5 va 4-qavat oralig‘idagi eskalatorda muvozanatni yo‘qotib, 1-qavatga tushib ketgan. Fuqaro Sh.T. voqea joyida vafot etgan. Tan jarohati olgan A.S. esa viloyat ko‘p tarmoqli bolalar tibbiyot markaziga yotqizilgan.
Hozirda bola 3 yosh-u 4 oylik bo‘lgan va hozirda u reanimatsiya bo‘limida.
Holat yuzasidan Navoiy shahar IIB huzuridagi Tergov bo‘limi tomonidan tergovga qadar tekshiruv harakatlari olib borilmoqda.
Eslatib o‘tamiz, avvalroq Farg‘onada bank xodimasi xizmat vaqtida vafot etgani haqida xabar berilgandi.
