Фарғонада банк ходимаси хизмат вақтида вафот этди
Унинг ўлимига автоҳалокат сабаб бўлган.
Жорий йилнинг 8 январь куни соат тахминан 16:55 ларда Тошлоқ тумани "Янгийўл" МФЙда йўлнинг пиёдалар йўлагида “Cobalt” русумли автомашина ҳайдовчисининг хатоси билан содир этилган автоҳалокат оқибатида Халқ банкининг Тошлоқ филиали кассири Н.Хасанова ўз бурчини бажариш вақтида ҳалок бўлди.
Маълумот учун: марҳума 2015 йилдан буён Халқ банкининг Тошлоқ филиалида кассир лавозимида, 2021 йилнинг декабрь ойидан Пенсия ва нафақа тўловлари билан ишлаш шўбасида бухгалтер-назоратчи бўлиб ишлаган.
Аввалроқ Қашқадарёда банк ходимининг калтаклангани ҳақида хабар берилганди.
Жавоҳирбек ТУРСУНОВ
