Shahzoda Muhammedovaning Instagram sahifasi tiklandi
4 oy avval bloklangan akkauntda 4,5 million obunachisi bo‘lgan.
Dizayner, aktrisa, teleboshlovchi Shahzoda Muhammedova 4,5 millionlik Inatagram sahifasi ochilganini maʼlum qildi.
Aktrisaning ushbu sahifasi 2021-yil 22-sentabr kuni bloklanib qolgan. Shahzoda Muhammedova o‘sha kuni kechki payt Milandagi modalar namoyishiga ketgan. Dizayner suratlarini shaxsiy atelyesi va qizining sahifasida joylab borishini taʼkidlagan.
Shahzoda Muhammedovaning bu sahifasi 21-fevral kuni ochildi. Aktrisa bundan o‘zining xabari bo‘lmagan. Ishxonasidagi qizlar unga qo‘ng‘iroq qilib, yangilikni aytgan. Aktrisa bu xabardan juda xursand bo‘lganini taʼkidlagan.
"Hozir hushimdan ketib qolaman. 4 yarim million obunachisi bo‘lgan profilim ochildi. Umidimni uzgandim. Atelyedagi qizlar telefon qilib aytdi. Instagram‘im haqiqiylik belgisi bilan turibdi", — deydi dizayner.
Eslatib o‘tamiz, avvalroq mashhur bloger Ozod va aktrisa Husnora birgalikda duet kuylagani hamda “Dizayn” jamoasiga O‘zbekistondan chiqish vaqtincha taqiqlangani haqida xabar berilgandi.
Cho‘lponoy Ahmedova tayyorladi.
