Vinisius Peresning rejalariga kiritilgan
“Real” klubi Vinisius Junior uchun yangi shartnoma tayyorlamoqda.
Madridning “Real” klubi hujumchi Vinisius Junior uchun yangi shartnoma bo‘yicha taklif tayyorlamoqda. Bu haqda jurnalist Fabrisio Romano o‘zining Twitter sahifasida ma’lum qildi.
Manbaga ko‘ra, muzokaralarning yakuniy qismi mavsum yakunida bo‘lib o‘tadi. Katta ehtimol bilan yangi shartnoma imzolanadi. “Qaymoqranglilar” prezidenti Florentino Peresning uzoq muddatli rejalariga Kilian Mbappe bilan shartnoma ham kiritilgan.
Eslatib o‘tamiz, Vinisius Flamengo klubidan “Real”ga 35 million yevro evaziga o‘tgandi. Futbolchining klub bilan shartnomasi 2024-yilning iyunigacha amal qiladi. Transfermarkt portali ma’lumotlariga ko‘ra, futbolchining narxi 100 mln yevroni tashkil etadi. Ispaniya chempionatining joriy mavsumida Vinisius “Real” safida 25 ta o‘yin o‘tkazib, 13 ta gol urdi va 6 ta golli uzatmani amalga oshirdi.
Avvalroq Gared Beyl yana Angliyaga qaytishi haqida xabar berilgandi.
