Mbappeni "Real Madrid" da yiliga 30 million yevro maosh kutmoqda
Shuningdek futbolchi klubni tanlasa, 40 million yevro miqdorida imzo bonusi ham oladi.
“PSJ” hujumchisi Kilian Mbappe “Real”da yiliga 30 million yevro maosh oladi.
Bundan tashqari, agar maʼlum natijalarga erishilsa, hujumchi 10 milliongacha bonus bilan taʼminlanadi. Shuningdek, Madrid klubini tanlaganlik uchun imzo bonusi ham bo‘ladi, agar shartnoma imzolansa, futbolchi 40 million yevro oladi.
Jurnalistning aytishicha, tomonlar kelishuv imzolashga yaqin turibdi. 23 yoshli futbolchi bu holatda "qirollik klubi"da kamida 2027-yilning yoziga qadar o‘ynaydi.
"Real Madrid" Mbappeni butunlay tekinga oladi, chunki yozda uning “PSJ” bilan shartnomasi tugaydi va u erkin agent maqomida harakat qiladi. Joriy mavsumda Mbappe Fransiya chempionatida 25 ta o‘yinda maydonga tushib, 15 ta gol urdi va 10 ta golli uzatmani amalga oshirdi.
Eslatib o‘tamiz, avvalroq “PSJ” futbolchilari Neymar va Serxio Ramos Parijdan ketishni istamayotgani haqida xabar berilgandi.
