Неймар ва Рамос “ПСЖ”ни тарк этишни режалаштирмоқда
Улар парижлик ишқибозлардан норози.
“ПСЖ” футболчилари Неймар ва Серхио Рамос Париждан кетишни истамоқда. Бу ҳақда “АS” нашри хабар берди.
Манбага кўра, футболчилар Лига 1 28-туридан ўрин олган “Бордо”га қарши ўйинда парижлик мухлисларнинг хулқ-атворидан ранжишган. Бу вақтда ишқибозлар “ПСЖ”нинг аргентиналик ҳужумчиси Лионел Мессини ҳам ҳақоратлашган.
Эслатиб ўтамиз, Неймар 2018 йилда “Барселона” клубидан “ПСЖ”га 222 миллион фунт стерлинг эвазига ўтган эди.
Футболчи жорий мавсум парижликлар сафида барча турнирларда 20 та ўйинда майдонга тушиб, 5 та гол урди ва яна шунча голли узатмага муаллифлик қилди. Рамос эса ўтган йили эркин агент сифатида парижликлар сафига қўшилган эди.
Аввалроқ, “ПСЖ” Мессининг маоши ҳақидаги миш-мишларни рад этгани ҳақида хабар берилганди.
Жамшидбек Амиров
