Taniqli sportchilarning shohona uyi
Ularning turarjoylari bir necha million dollarni tashkil etadi.
Dunyoga mashhur sportchilar yuqori maosh olgani bois ham o‘zlarining shaxsiy biznes va mol-mulklarga ega. Biz bugun sportchilarning shoxona uylari haqida to‘xtalib o‘tmoqchimiz.
Tiger Vuds, golfchi
Sportchining uyi AQSHning Florida shtatida joylashgan. Uning narxi taxminan 60 million dollarga baholangan. Vudsning uyi eng qimmat uylardan biri hisoblanadi. Koshona ko‘p xonali bo‘lib, ikkita suzish havzasi, shaxsiy plyaj, yaxtalar uchun ikkita marina va Tigerning shaxsiy golf maydonidan iborat.
Lebron Jeyms, basketbolchi
NBA yulduzi Lebron Jeymsning uyi AQSHning Kaliforniya shtatidagi Brentvud shahrida joylashgan. Basketbolchi bu uyni 20 million dollarga sotib olgan.
Krishtianu Ronaldu, futbolchi
Portugaliyalik futbol yulduzining Madriddagi uyi o‘zgacha uslubda qurilgan. Bu uyni Ronaldu 7,1 million dollarga sotib olgan. Koshonada futbolchi uchun barcha sharoitlar yaratilgan: ikkita sport zali va suzish havzasidan tortib, futbol mashg‘ulotlari uchun mini-maydonchagacha bor. Shuningdek, uyning har burchagida "CR" bosh harflarini uchratishingiz mumkin. Bu turar joy kimga tegishli ekanini bildiradi.
Jordan Spit, golfchi
Jordan Spit dunyoning eng boy 10 nafar sportchisidan biridir. Jordan 2016 yilda 52,8 million dollar ishlab topadi hamda AQSHning Dallas shtatidan hashamatli uy sotib oladi. Uyning asosiy diqqatga sazovor joyi mozaik oynadan yasalgan hovuz hisoblanadi.
Rojer Federer, tennischi
Dunyoning eng kuchli tennischilaridan biri shveysariyalik Rojer Federer "afsonaviy" uyga ega. Uni Volero shahridagi qarorgohining nomi "The Residens" deb ataladi. Federerning koshonasi ko‘plab shisha devorlari va Tsyurix ko‘lining ajoyib manzarasini ask ettirgan.
Lionel Messi, futbolchi
Hozircha futbolchining uyi faqat chizmalar va loyihalarda mavjud. Lionel Messining Barselonadagi bo‘lajak uyi futbol to‘pi shaklida va u ekologik toza materiallardan quriladi.
Devid Bekxem, futbolchi
Angliyalik sobiq futbolchi rafiqasi Viktoriya bilan birga London markazidan 4 qavatli uy sotib olgan. Xarid er-xotinga taxminan 40 million dollarga tushgan. Biroq Bekxem XIX asr oxirida qurilgan binoda ba’zi rekonstruksiya ishlarini olib borish orqali mulk qiymatini yanada oshirishni rejalashtirmoqda. U yerda uchish-qo‘nish yo‘lagi, salon va binodan hashamatli hovli bog‘iga olib boruvchi maxfiy tunnelning qo‘shilishi "Yangi Bukingem" saroyining narxini taxminan 47 million dollarga oshirdi.
Floyd Meyvezer, bokschi
Floyd Meyvezer butun dunyo bo‘ylab bir nechta uy va kvartiralarga ega. Ammo uning sevimli uyi Las-Vegasda joylashgan. Aynan o‘sha joyda bokschining "sport avtomobillarining" katta to‘plami bor. Bu yerda Floyd boks kechalari uyushtiradi va taniqli sportchilarni qabul qiladi.
Konor Makgregor, aralash yakkakurashchi
Meyvezerning Vegasdagi uyi yaqinida Konorning ham uyi joylashgan. U yerda sportchining hashamatli basseyn, kurort, ulkan sport zali va garaji mavjud. Uyning derazasidan Vegasdagi ajoyib manzaralarni tomosha qilish mumkin.
Muallif: Jamshidbek AMIROV
