Van Gal o‘rnini Kuman egallaydi

 

Gollandiya terma jamoasining yangi bosh murabbiyi etib Ronald Kuman tayinlanadi. Bu haqda terma jamoa matbuot xizmati xabar berdi. U avvalroq prostata saratoni bilan kurashayotganini eʼlon qilgan Lui van Galning o‘rnini egallaydi. Kuman 2023 yildan boshlab terma jamoani boshqaradi.

 

Van Gal betob bo‘lishiga qaramay, jamoani 2022 yilning noyabridan dekabriga qadar Qatarda bo‘lib o‘tadigan jahon chempionatiga olib chiqishga muvaffaq bo‘ldi. Jahon chempionatining guruh bosqichida Gollandiya termasi Ekvador, Senegal va Qatar terma jamoalari bilan o‘ynaydi. Van Gal mamlakat terma jamoasini uch marta boshqargan. 2014 yilgi jahon chempionatida uchinchi o‘rinni egallagan.

 

Ronald Kuman 2020/2021 yilgi mavsumda “Barselona” bosh murabbiyi sifatida ishladi. Bu vaqt davomida u jamoa bilan “Qirol kubogi”ni qo‘lga kiritdi va La Ligada 3-o‘rinni egalladi. Ronald 2021 yil 28-oktabr kuni “Barselona” bosh murabbiyligidan isteʼfoga chiqarilgan edi.

 

Avvalroq, Kumandan keyin yana bir gollandiyalik “Barselona”nit ark etishi mumkinligi haqida xabar berilgandi.

 

Jamshidbek Amirov