Slavche Voyneski: "Eʼtiborsizligimiz qimmatga tushdi"

 

 

“Paxtakor” bosh murabbiyi Slavche Voyneski OCHL 1-turidan o‘rin olgan “Sepaxon” bilan o‘yindan so‘ng o‘z fikrlarini bildirdi.

 

"O‘yinni ikki qismga bo‘lgan bo‘lardim. Birinchi bo‘limda bahsni nazorat qildik, gol urdik, yaxshi harakatlandik. Biroq ikkinchi bo‘limda standart vaziyatlardan keyin ikki marta qo‘pol xato qildik va hisobda ortda qola boshladik. Keyin oldinga tashlanish natijasida uchinchi golni o‘tkazdik. Ruhiy va jismoniy tayyorgarlik yonma-yon yuradi. Xatolarni eʼtiborni yo‘qotganimiz bilan izohlagan bo‘lardim. Bu bizga qimmatga tushdi. Yigitlar oxirigacha kurashishdi, buning uchun ularga rahmat. Guruhda barcha bellashuvlar og‘ir kechadi, buni o‘yindan oldin ham aytib o‘tgandim. Yaxshi saviyali jamoalar jamlangan guruhdan joy olganmiz", — deya klub matbuot xizmati Voyneskining so‘zlarini keltirdi.

 

Eslatib o‘tamiz, kecha “Paxtakor” klubi safarda Eronning “Sepaxon” jamoasiga 3:1 hisobida imkoniyatni boy berib qo‘ydi.

 

Avvalroq, “Paxtakor” uchun sinov boshlanayotgani haqida xabar berilgandi.

 

Jamshidbek Amirov