Chimayev Kamaru Usmon bilan jang qilolmaydi — Genri Sexudo
UFS chempioni shved jangchisi haqida gapirdi.
Ikki vazn toifasida sobiq UFS chempioni Genri Sexudo asli chechenistonlik shved jangchisi Hamzat Chimayevning braziliyalik Gilbert Berns bilan UFS 273 turniri doirasidagi g‘alabasiga izoh berdi.
“Yaxshi jang bo‘ldi. Hakamlar to‘g‘ri qaror qabul qilishdi, lekin Chimayev Kamaru Usmon bilan xuddi shunday jang qilsa, unda katta muammolar yuzaga keladi. Biz bu jangda u qanday qilib haqiqiy jangchiga aylanganini ko‘rdik”, — dedi Sexudo.
Eslatib o‘tamiz, UFS 273 turniri AQSHning Jeksonvill shahrida bo‘lib o‘tdi. Hakamlar qaroriga ko‘ra unda Hamzat Chimayev g‘alaba qozondi. Ushbu g‘alaba shved jangchisi uchun qatorasiga 11-g‘alaba bo‘ldi.
Oldinroq Sejudo faoliyatini qayta tiklashi mumkinligini maʼlum qilgandi.
Avvalroq, Makgregor “Chelsi”ni sotib olmoqchi ekanligi va Habib Nurmagomedov Chempionlar ligasi favoritlarini aytgani haqida xabar berilgandi.
Jamshidbek Amirov
