“Real”ning sobiq futbolchisi vafot etdi
Futbolchi avtohalokatga uchragan.
Bugun, Real va Kolumbiya terma jamoasining sobiq yarim himoyachisi Freddi Rikon 55 yoshida olamdan o‘tdi. Bu haqda “ESPN” nashri xabar berdi.
Sobiq futbolchi baxtsiz hodisa natijasida olgan jarohatdan so‘ng vafot etdi. Eslatib o‘tamiz, 11 aprel kuni Rinkon bo‘lgan avtomobil Kalida (Kolumbiya) avtobus bilan to‘qnashib ketgan edi. Shundan so‘ng Freddi reanimatsiyaga yotqizilgan. U yerda shifokorlar uning hayoti uchun oxirigacha kurashgan. Avtobus haydovchisi va yo‘lovchilari ham kasalxonaga yetkazilgan, biroq ularning jarohatlari og‘ir emas.
Eslatib o‘tamiz, Rinkon 1995 va 1996 yillarda “Real”da o‘ynagan. Yarim himoyachi 1986 yildan 2004 yilgacha davom etgan faoliyati davomida “Napoli” hamda bir qator Kolumbiya va Braziliya klublarida ham to‘p surgan.
Avvalroq, “Real Madrid” sobiq futbolchisi O‘zbekistonga kelishi haqida xabar berilgandi.
Jamshidbek Amirov
