Toshkentda ot sporti bo‘yicha Jahon kubogi musobaqalari bo‘lib o‘tadi
20–23-aprel kunlari o‘tkaziladigan turnirda dunyoning 22 mamlakatidan sportchilar ishtirok etadi.
Toshkent shahrida ot sportining konkur yo‘nalishi bo‘yicha “YevroOsiyo mintaqalararo Jahon kubogi-2022” saralash bosqichi bo‘lib o‘tadi. Bu haqda O‘zbekiston ot sporti federasiyasi xabar berdi.
Qayd etilishicha, turnir Xalqaro hamda Osiyo ot sporti federatsiyalari sha’feligida o‘tkaziladi.
Barcha bosqichlarda yetarlicha ochko to‘play olgan sportchilar Daniya davlatida bo‘lib o‘tadigan Jahon kubogiga yo‘llanmani qo‘lga kiritishadi. Ushbu musobaqada ochko jamg‘ara olgan chavandozlar, shuningdek, 2022-yilning sentyabr oyida Ispaniyaning Barselona shahrida bo‘lib o‘tadigan Millatlar kubogida ham qatnashish huquqiga ega bo‘ladi.
