Messining atrofida jamoa “quriladi”
Hujumchining Parijda qolishi maʼlum bo‘ldi.
Lionel Messi “PSJ”da qoladi. “Sky Sports” xabariga ko‘ra, argentinalik futbolchi yana kamida bir mavsumni Parijda o‘tkazadi. Klub futbolchi atrofida jamoa qurishga tayyor.
Shu bilan birga, parijliklar Neymarga boshqa klubga o‘tish bo‘yicha muzokaralar olib borishga imkon berishadi. Klub yozda katta o‘zgarishlardan o‘tishi kutilmoqda, katta ehtimol bilan jamoaga yangi bosh murabbiy tayinlanadi .
Maʼlumot uchun, Liga 1ning joriy mavsumida Messi 22 ta o‘yin o‘tkazib, 4 ta gol urdi va 13 ta golli uzatmani amalga oshirdi.
Avvalroq, “PSJ” Messining millionlab futbolkalarini sotgani haqida xabar berilgandi.
Jamshidbek Amirov
