“Tottenhem” ikki futbolchi uchun 80 million yevro sarflamoqchi
Bosh murabbiy bu futbolchilarning o‘yinidan rozi.
Angliyaning “Tottenhem” klubi himoyachisi Kristian Romero va jamoada ijara asosida o‘ynayotgan yarim himoyachi Deyan Kulushevski bilan shartnomalarni sotib olmoqchi . Jurnalist Fabritsio Romanoning twitter‘da xabar berishicha, “shporlar” ikki futbolchi uchun 80 million yevro sarflamoqchi.
Manbaga ko‘ra, “Tottenhem” bosh murabbiyi Antonio Konte jamoa loyihasining asosiy qismi sifatida ko‘rilayotgan ikki futbolchidan mamnun.
24 yoshli Romero “Atalanta” futbolchisi hisoblanadi. Argentinalik himoyachi “Tottenhem”da 2023 yilgacha ijaraga olingan. Joriy mavsumda Romero barcha turnirlarda 30 ta o‘yinda maydonga tushib, 1 ta gol urgan.
22 yoshli Kulushevskining huquqlari “Yuventus”ga tegishli. Shvetsiyalik futbolchi “Tottenhem”da 2023 yilgacha ijara asosida o‘ynaydi. Deyan ingliz klubi safida 19 ta uchrashuvda 3 ta gol urdi va 8 ta golli uzatmani amalga oshirdi.
