“Yuve” Di Mariyaning transferidan foydalanmoqchi
Futbolchi yozda erkin agentga aylanadi.
Turinning “Yuventus” klubi “PSJ” yarim himoyachisi Anxel Di Mariyani sotib olmoqchi. Bu haqda jurnalist Nikolo Shira o‘zining twitter sahifasida xabar berdi. Futbolchi mavsum oxirida erkin agentga aylanadi.
Manbaga ko‘ra, argentinalik futbolchining agenti Xorxe Mendes 28 may, kuni Parijda bo‘lib o‘tadigan “Liverpul” va “Real” o‘rtasidagi Chempionlar ligasi finalida ishtirok etadi. Unda “Yuventus” direktori Federiko Cherubini ham qatnashadi.
Eslatib o‘tamiz, Di Mariya ushbu mavsumda barcha musobaqalarda 31 ta o‘yinda qatnashib, 5 ta gol urdi va 9 ta golli uzatmani amalga oshirdi.
